The Latest

US ah a tungthak Mawng Tawng leh US ah a tung khin sa Cin Kim kihona.
Cin Kim        : Lawm nang cik a, US hong tung na hia?
Mang Tawng : Zanni tak hi.
Cin Kim        : Lampi ah a nuam hia? Na gim lua hia?
Mang Tawng : Pasian huhna tawh nuam lel, ahih hang kamphen(translator) pan' tawmvei
                      (Khanah lay) na ngak un hongci in naili sung khawng ngak ung.
Cin Kim       : Hih tak ah mangkaang ten zong ( Tawmvei) one minute a cih uh kawlte khahnah lay
                    sang sawt zaw thei ei.
Mang Tawng : Lawm mangkaang te' kamsiam bang a hia?
Cin Kim        : Bangci dan maw?
Mang Tawng : Zomi ten i kimuh ciang an ne khin maw i cih dan ee.
Cin Kim         : Aw tua maw. Na dam na? How are you? cih hi.
Mang Tawng  : Tua ahi leh i kimuh sim hong dong uh maw?
Cin Kim         : He...hong dong kisa uh a, khatvei vei ciang cina in Zato pai leng zong...How are you?
                       hongci in i dawngkik na ding hamsa mahmah sang.
Mang Tawng : Tua ahih leh hih i omna koitak? Bang khua kici a hia?
Cin Kim        : Tulsa khua, Oklahoma state kici. A tomin OK kici hi.
Mang Tawng : Tua ahih leh OK a om i hih leh lungdam huai ei.
Cin Kim        : OK ah i om hang mi khempeuh OK khin kei. Thunget hat kul.
Mang Tawng : Aw...tua dan maw...thunget nget ding hi ei.

Khua khat ah Pastor khat Pasian thugen dingin pai hi. Tua a paina khua ah piteek khat leh tangval ki tuak hi.
Pastor pa : Lawm aw na ngak pak dih ve kong gennop khat om.
Tangval pa : Bang a hia?
Pasator pa : Gupna na ngah khin hia?
Tangval pa : Ngah nai keng kuan hawm ahia?
Pastor Pa : Pi aw Topa Zeisu in nang hongit hi. Ama kiang zuan inla ama hongit bangin it in.
Piteek nu : Teek zawh huai zawh kuaman hongit dihdih ken teh.

Mang leh Mungno kiho na. avak kawm uh.
Mungno - Mang aw bang ahia tua tanvei na-et na ngawng peitan liang lo ding maw?
Mang - I pu i pa te’ kammal(paunak) man sa mahmah ing ei.
Mungno - Banghang maw lawm?
Mang - Den a hong paiphei kala te khat leh sen nungak khat namu na?
Mungno - Mumah bangci ahia?
Mang - Khanglui ten’ sialvom leh sialvom kingai, sialkang leh sialkang kingai acih dan ai ve.
Mungno - Ah mawkmawk cia...sialvom leh sialkang kingai, sial kang leh sialvom kingai hizaw loding maw....?

Lawmte nih kihona.
Khup : Lawm Zogam Zomi ki-it ci a, banghang a, gamdang kipai sansan ahi tam?
Piang : A ki-it luat man hizaw ei.
Khup : Ki-it leh kitai sansan ding maw..
Piang : Topa Jesuh in zong hongit mahmah ahih man leitung mite ading in a nuntakna hongpia ve.
Khup : Tua tawh bang kisai a hia?
Piang : Vantungah hong kah san veve ve-leh...

Gamdang ah Zomi namni in la kisa ziahziah in tuasungah a kihel kha lawmta nih kiho na.
Mung Sian : Lawm Thangpu aw tu a, la kisa pen hih tak tawh kituak kei si e.
Thangpu : Banghang maw lawm?
Mung Sian : Zogam aw... ken hong taisan kei ning kici hilo maw...
Thangpu : Tuabel himah ai ve ahih hang ngaihsutna tampi tawh a kisa ai ve.
Mung Sian : Bang ngaihsutna maw lawm?
Thangpu : Tun Zogam ah i omloh hang, i lungsim pen Zogam ah om cihna ai ve.
Mung Sian : I pumpi gamdang ah om a, i lungsim Zogam ah a om hang bang phatuam ding a hia?
Thangpu : Hilo hi, tun gamdang ah i omna hang pen Zogam i it-luat man hizaw hi.
Mung Sian : Lawm nong thugen te tel zo nawn kei veng aw...
Thangpu : Bangmah lung khamhuai lo lawm...tun... gamdang ah khantawn a, kiteng nuam a kipai hilo in gamdang ah mite pilna, siamna te vasin dingin leitungbup mun tuamtuam a, om Zomi ten mi’ pilna, siamna te i theih khit ciang ciah kik tek dingin Zogam ah zang ding tua ni ciang “Zogam hong paal-lun ding” ngaihsutna hi.
Mung Sian : Aw...tuadan maw gamdang i pai na a hang...

Lawm ta nih kihona.
Lal khup : Lawm Mang nang mutpuak a khiatna na thei na?
Mang : Mutpuak cih ciang mut leng puak cihna, a puak thei cihna hilo dia.
Lal khup : Tuabel a kimu thei mutpuak hi.
Mang : Tua ahih leh a kimu theilo mutpuak om maw lawm?
Lal khup : Tam kisa nang zong na theih nailoh man hi.
Mang : Koi bang a hia? Hong gen dih ve.
Lal khup : A kimu theilo mutpuak cih ciang a, mi pen a hilo pi a, phat phat in, lungdam sak mahmah in a tawpna ah a hilo na ding pi a ma deihna na ah lawn ziau.
Mang : Aw tuate a kimu theilo mutpuak maw.